Pse Kurti nuk e viziton SHBA? Ish-ambasadori tregon pse Osmani qëndroi në Uashington

Ish-ambasadori i Shqipërisë në NATO dhe ish-kreu i SHISH, Visho Ajazi Lika tha në emisionin Balkan Talks në Euronews Albania se kryeministri i Kosovës Albin Kurti duhet të gjejë fjalën me SHBA pasi janë vend dashamirës me Kosovën.

Sipas tij, presidentja Vjosa Osmani po luan një politikë diplomatike të mençur në raport me SHBA si partneri më i afërt i Kosovës dhe me partnerët e tjerë ndërkombëtarë.

“Kurti ka kohë që nuk ka bërë vizitë në SHBA dhe ky nuk është lajm  i mirë, por po kompensohet nga diplomacia proaktive e presidentes Osmani. Siç e thashë para dy ditësh Osmani ka deklaruar se ne jemi gati që nesër ta firmosim marrëveshjen por duam garant aleatët e Kosovës, nuk kemi problemin që ne të bëjmë asociacion, por që ne ta bëjmë asociacionin dhe pala tjetër të mos bëjë asgjë ky është një problem”, tha Ajazi.

LEXONI GJITHASHTU:

• Shtohen turistët në Vlorë, vizitorët besnikë vijnë nga Kosova
• Ekstradohet nga Kosova 56-vjeçari, tentoi të kryente një vrasje në Berat