Pse u krijua Koalicioni Euroatlantik, Endri Hasa: Alternativa që u japim shqiptarëve

Endri Hasa ishte këtë të hënë i ftuar në Euronews Albania si kryetar i Koalicionit Euroatlantik ku ka treguar se përse lindi Koalicioni Euroatlantik.

Ai tha se ky koalicion me Demokratët Atlantik të themeluar nga Lulzim Basha, e që do të futet në zgjedhje me emrin Koalicioni Euroatlantik u krijua për ti dhënë shqiptarëve një alternativë dhe një program ndryshe nga partitë e tjera.

“Unë besoj se e rëndësishme për publikun, për shqiptarët, është të flasim për politik, për alternativa, për atë që mund t’ju ofrojmë shqiptarëve. Politikën e bëjnë njerëzit dhe partitë politike janë bashkim vullnetar njerëzish. Ajo që është e rëndësishme është të flasim për misionin tonë, programin dhe çfarë duam ti ofrojmë shqiptarëve në 11 maj.

Ajo që Koalicioni Euroatlantik merr përsipër është paraqitja në zgjedhje e kësaj alternative që Demokratët Euroatlantik duan ti ofrojnë shqiptarëve në 11 maj, duke i qëndruar fjalës së dhënë që në 11 qershor që ne me çdo kusht do çojmë para shqiptarëve alternativën e programit që kemi paraqitur. Nuk është e rëndësishme kush janë kryetarët, por kush janë kandidatët në çdo cep të Shqipërisë dhe kush janë njerëzit që do çojnë përpara një alternativë që do i japin shqiptarëve diçka ndryshe”,-tha Hasa.

LEXONI GJITHASHTU:

• Agjentët e FBI-së pyeten rreth rolit që kishin në hetimet ndaj sulmit në Kapitol
• Elon Musk: Presidenti Trump ka rënë dakord për mbylljen e USAID