“Punëtorët në fasoneri të keqpaguar”, avokati: Nuk marrin as pagën minimale

Avokati Gentian Serjani ishte i ftuar këtë të hënë në “Good Morning Albanians”, ngriti shqetësimin se punëtoret që punojnë në fasoneri janë të keqshfrytëzuar dhe të keqpaguar.

Sipas tij në këtë sektor ka punëtorë që nuk marrin as pagën minimale, madje ai tha se ka raste që për ata që marrin pagën minimale, siguracionet u zbriten nga kjo pagë.

“Ne sot shohim se në sektorin e fasonerisë kemi zonja të cilat shfrytëzohen keq dhe nuk kanë mundësi të reagojnë sepse thonë ne duhet të paguajmë kredinë. Janë të keq paguara.

Ne sot shikojmë që ka sektorë të caktuar që nuk marrin as pagën minimale, apo që e marrin pagën minimale me kontratë pune, por të gjitha sigurimet shëndetësorë, apo shoqërore zbriten nga paga e tyre, pra nëse ne kemi një pagë minimale 340 mijë lekë të vjetra, 90 mijë lekëshin e sigurimeve shoqërore ia heqin nga paga punonjësit, dhe kompania nuk paguan asnjë lekë”,-tha avokati Gentian Serjani.

LEXONI GJITHASHTU:

• Muça: Vetëm 5% e kompanive në Shqipëri respektojnë 100% kontratat e punës
• Eksperti: Fjalëkalimet me 4, 8 apo 12 karaktere nuk janë më të sigurta