‘Rama erdhi dhe nuk më takoi’, kryebashkiaku i Shkodrës flet për përmbytjet

Kryebashkiaku i Shkodrës, Bardh Spahia deklaroi se kryeministri Edi Rama zhvilloi një vizitë ditën e djeshme në këtë qark dhe theksoi se ai nuk e kishte lajmëruar, madje as nuk e takoi.

Në një intervistë për Euronews Albania, Spahia u shpreh se Rama po bën politikë me përmbytjet, teksa Shkodra ndodhet në vështirësi të jashtëzakonshme.

“Nuk ka pasur aspak komunikim, të paktën me bashkinë e Shkodrës nga ana q institucioneve qendrore qeverisëse. Fakt është që, edhe ditën e djeshme kur kryeministri erdhi në territorin e bashkisë Shkodër, nuk kemi pasur asnjë informacion. E kemi marrë vesh lajmin ashtu siç edhe ju besoj nga mediat. Gjë që nuk është aspak normale.

Jo, absolutisht jo. Unë e kam parë si të gjithë shqiptarët e tjerë në televizor. E kam parë atë deklarim të shpejtë 5 minutësh, atë bashkë bisedim mes vetes, kryeministri me të deleguarit e tij. E gjeta krejtësisht të pavend momentin për të bërë politikë. Shkodra është në vështirësi të jashtëzakonshme”, theksoi ai.

LEXONI GJITHASHTU

• A rrezikojmë sërish përmbytje? Parashikimi i motit
• Peleshi për përmbytjet: Situata drejt përmirësimit në Shkodër dhe Lezhë
• Akset me rrëshqitje dherash në Shkodër, Angoni tregon situatën me përmbytjet