Rama i përkulet kryeministrit të Luksemburgut, analisti: Mesazh ndaj BE-së

Analisti Alban Daci mendon se kryeministri Edi Rama ka dashur t’i japë një mesazh Bashkimit Evropian, me veprimin e tij duke u përkulur para kryeministrit të Luksemburgut, teksa e priste para fillimit të samitit BE-Ballkani Perëndimor.

Në një intervistë për Euronews Albania, Daci u shpreh se Rama donte të tregonte se megjithëse dy shtete të vogla, forca dhe kontributi që Shqipëria dhe Luksemburgu mund të japin në BE, është i njëjtë dhe i barabartë përballë fuqive të rëndësishme të unionit.

“Edi Rama është një njeri i cili e njeh mirë komunikimin politik, madje unë kam thënë që ka bërë revolucion të komunikimit politik në Ballkan dhe në politikën shqiptare. Rama mendoj që në çdo rast tregon mesazhe dhe mesazhet i ka gjithmonë kundrejt liderëve të Bashkimit Evropian. Nuk mendoj që Rama është ulur për ta respektuar, në kuptimin që ai ishte kryeministri i Luksemburgut, por duhet të shkojmë më tej.

Luksemburgu dhe Shqipëria kanë dy gjëra të përbashkëta, vende evropiane dhe vende të vogla. Çfarë donte të tregonte Rama? Mendoj se donte të tregonte se pavarësisht se ne jemi të vegjël, forca dhe kontributi që ne mund të japim në BE përballë fuqive të rëndësishme, është i njëjtë dhe i barabartë. Pra, ne jemi të rëndësishëm dhe të pazëvendësueshëm, pavarësisht se jemi të vegjël”, theksoi ai.

LEXONI GJITHASHTU

• Pse Vuçiç doli i humbur dje? Analisti Daci zbulon çfarë ndodhi brenda samitit

• Rama i përkulet kryeministrit të Luksemburgut, avokatja: Ishte fyerje

• Goditja ndaj Berishës, analisti: Ka ardhur koha që të ndërrohet klasa politike