Rama viziton parkun e Drilonit: Shumëfishohet në150 hektarë, i shërben turizmit

Kryeministri Edi Rama ishte këtë të martë në një inspektim në terren, për të parë nga afër ecurinë e transformimit të një prej destinacioneve simbol të Pogradecit, Drilonin.

Së bashku me të ishte edhe  Kryetari i Bashkisë së Pogradecit Ilir Xhakolli, Drejtori i FSHZH Dritan Agolli, si dhe inxhinierë e drejtues punimesh.

Sipas kryeministrit Rama kjo sipërfaqe do të  shumëfishohet në 150 hektarë, e gjitha në funksion të turizmit

“Mirmëngjes! Dhe nga kantieri i transformimit të Shëtitores së Tushemishtit dhe Parkut të Drilonit në Pogradec, që shumëfishohet në 150 hektarë, e gjitha në funksion të turizmit, me 13 ura të reja, shëtitore, korsi biçikletash, 8 mijë pemë të mbjella, 5 km gjatësi të lundrueshme me varkë, 3 parkime me 550 vende për automjete, e gjitha një zonë e aksesueshme deri në Zagorçan, për të përfunduar në pikën doganore duke e kthyer portën hyrëse të qarkut Korçë, në një destinacion turistik akoma më të preferuar për vizitorët vendas e të huaj, ju uroj një ditë të mbarë”,-shkruan Rama në Facebook.