Rrëfehet Ylli Pango: Pse nuk qëndrova në SHBA, por u ktheva në Shqipëri

Psikologu dhe pedagogu Ylli Pango tregoi në një intervistë për emisionin “Good Morning Albanians” se kishte mundësi që të jetonte në SHBA pas rënies së komunizmit, por nuk e bëri një gjë të tillë.

Ai u shpreh se nuk kishte mundësi që të merrte me vete ne SHBA nënën dhe djalin e saj.

“Unë pata mundësi të rrija në Boston kur mbarova studimet pasuniversitare në ’95. Kam qenë i lidhur me nënën dhe djalin tim. Unë nuk mund t’i merrja ata. Bursa ishte amerikane dhe kishte një kusht: duhej që të paktën 5 vite të shërbeja atje. U ktheva isha shumë në dilemë për të ndenjur apo jo”, tregoi pedagogu.

Psikologu u shpreh më tej se gjatë rikthimit në Shqipëri ka pasur ulje dhe ngritje, ku nuk kanë munguar sfidat.

“Këtu kam provuar edhe të mira por edhe drama, kam kaluar në teh të thikës. Ka pasur shumë ulje dhe ngritje në jetën time”, tha Pango.

LEXONI GJITHASHTU:

• ‘Ka njerëz që janë vrarë’, Pango tregon çfarë i ndodhi pas kamerës së fshehtë
• Egbo bën parashikimin: Marok-Kroaci shkon në finale, Botërorin e merr Afrika
• Befason ish-futbollisti Egbo: Shqipëria është njësoj si Nigeria