Rreziku nga armët bërthamore/ Zëdhënësi i kremlinit: Do përdoren nëse sulmohemi ne

Rusia ka kërcënuar sërish perëndimin më armët bërthamore. Zëdhënësi Dimitri Peskov thotë se Moska do të përdor fuqinë bërthamore nëse ekzistenca e Rusisë vihet në rrezik.

Rusia do të përdorë arsenalin e saj bërthamor vetëm nëse ekzistenca e vendit vihet në rrezik. Kjo është deklarata që ka bërë zëdhënësi i Kremlinit Dmitry Peskov. Zyrtari shtoi se armët bërthamore përshkruhen si një “armë lamtumire” në doktrinën e Moskës që rregullon përdorimin e tyre.

Sipas tij, Rusia do të hakmerrej me armë bërthamore vetëm nëse ajo ose aleatët e saj do të sulmoheshin të parët. Një vit më parë, presidenti Vladimi Putin deklaroi se strategjia e Rusisë ishte e qartë për armët bërthamore, të cilat sipas tij nuk do të përdoreshin pa pasur një provokim të fortë nga Perëndimi apo një fuqi tjetër ushtarake.

Putin është shprehur se përdorimi i armëve bërhtamore do të ishte një zhvillim shumë tragjik për të gjitha palët.

Duke këtë të mërkurë, Peskov deklaroi se “nëse diçka kërcënon ekzistencën e vendit tonë, atëherë armët bërthamore do të përdoren”.

Që nga nisja e pushtimit të Ukrainës, zyrtarët rusë kanë bërë deklarata të shpeshta mbi kërcënimin bërthamor. Muajt e fundit, Vladimir Putin ka urdhëruar ushtrinë të qëndrojë në alarm për çdo skenar, ndërsa shërbimet inteligjente falsin për përforcime të mbrojtjes bërthamore nga ana e Rusisë.

LEXONI GJITHASHTU: 

• 2058 fëmijë shfrytëzohen, raporti Alo 116, Çoku: 1538 fëmijë nuk shkojnë në shkollë
• Kryediplomati kinez ashpërson gjuhën kundër SHBA-së