Samiti BE-BP, Laureta Omeri: S’ka vonesa në fluturime, çdo gjë nën kontroll

Drejtoresha e “Albcontrol” Laureta Omeri tha se janë marrë të gjitha masat për të pritur delegacionin e BE dhe të Ballkanit Perëndimor që do të vijnë në Tiranë për samitin.

Në një intervistë për Euronews Albania, ajo tha se një pjesë e delegacionit ka mbërritur ndërsa pjesa tjetër pritet të vijë gjatë ditës së sotme dhe ditën e nesërme .

Më tej ajo theksoi se nuk ka pasur vonime në fluturime dhe çdo gjë deri më tani po shkon siç duhet.

“Të gjithë masat e nevojshme janë marrë. Ka disa ditë që po punohet nëpërmjet institucioneve që janë të përfshira në këtë proces, që nga aeroporti, agjencia e trafikut ajrore dhe policia e rendit,  me nën krye protokollin e shtetit dhe përfaqësuesit e delegacionit të BE-së që kanë hartuar planin e masave. Deri tani çdo gjë ka shkuar shumë mirë, një pjesë ka mbërritur dhe një pjesë pritet të vijnë gjatë ditës e nesër.

Gjithçka është duke ecur sipas planit, si ato që i përkasin pasagjerëve  normalë dhe delegacionit që është duke ardhur kanë itinerarin e tyre. Segmenti i ri i rrugës i hapur nga Qafë Kashari që të nxjerr direkt te terminale ka reduktuar trafikun. Nuk ka ngarkesa e as vonesa në asnjë nga fluturimet deri tani”- tha ajo.

LEXONI GJITHASHTU: 

• Vuçiç niset drejt Tiranës: Do të ishte turp për Serbinë nëse s’do merrja pjesë
• Shkelje e rregullave në punë dhe fshehje e të ardhurave, 3 të arrestuar në Tiranë