Marash Dukaj, ministër i administratës publike në Mal të Zi tha në një intervistë për Euronews Albania se do të insistojnë që pikat e planit të tyre të punës të jenë patjetër në programin qeverisës.
Sipas tij, Tuzi sot është model i qeverisjes jo vetëm për komunat shqiptare në Mal të Zi, por merret si model edhe në të gjitha komunat e tjera.
Ndër të tjera, Dukaj foli dhe për Dritan Abazoviç dhe kontributin e tij në integrimin e shqiptarëve nëpër institucione.
“Është vështirë të thuash se ku gaboi Dritani. Unë mendoj se ai ka dhënë një kontribut shumë të madh për integrimin e shqiptarëve në të gjitha institucionet. Asnjëherë më parë shqiptarët në Mal të Zi nuk kanë qenë kaq të integruar sa janë sot. Në komunat ku jetojnë shqiptarët nuk janë bërë investime sa po bëhen dhe po planifikohet të bëhen,” – u shpreh Dukaj.
LEXONI GJITHASHTU:
- Abazoviç: Mbështesim kryeministrin Rama, t’i zgjidhim gjërat me dinjitet
- Abazoviç, brenda apo jashtë qeverisë? Gjeka: Ende të acaruara marrëdhëniet me Spajiç