Bashkim Selmani, ekspert i sigurisë në Republikën e Maqedonisë së Veriut ishte këtë të premte në “Balkan Talks” në Euronews Albania, ku tha se Serbia është një Rusi e vogël brenda rajonit të Ballkanit.

“Ka disa momente që janë të ndërlidhura mes vete. E para është pjesa historike e kombit serb në Ballkan, lidhjet e saj me aleatë si Rusia. Unë personalisht e shikoj Serbinë si një Rusi në Ballkan e cila dominon në të gjitha sferat edhe politike, edhe ekonomike, por edhe mund ta quajmë si një rast patologjik. Serbia është një rast patologjik në Ballkan që nuk përmirësohet. Ajo shkakton shumë dëme në Ballkan, ndërsa viktimat e para jemi ne shqiptarët. Serbia jo vetëm që ka okupuar vetveten, por ka okupuar Ballkanin në tre sfera, në aspektin e sigurisë, në aspektin juridik, e po ashtu në aspektin fetar”,-tha ai.

Selmani gjithashtu kritikoi faktorin ndërkombëtar për mbështetjen që i jep Serbisë.

“Unë nuk e kuptoj faktorin ndërkombëtar se përse i jep kaq shumë komoditet ku vendeve të tjera, apo shtete të tjera në Ballkan nuk e kanë këtë komoditet”,-tha Selmani.

LEXONI GJITHASHTU:

• Berisha fton Ramën në debat: Le të dalim dhe të paraqesim programin për qytetarët
• Berisha: Do çlirojmë bizneset nga barra e madhe fiskale, minimumi jetik 200 euro