Deputeti opozitar Agron Shehaj ka kërkuar interpelancë me zv.kryeministren Belinda Balluku për aksin Thumanë-Kashar.
Shehaj tha se ka 6 muaj që kërkon interpelancën me Ballukun por kjo e fundit nuk vjen.
“Rekord me rrugën Thumanë-Kashar, 20 km nga 10 vite kontratë në 35 vjeçare. Janë 3 mld euro nga paratë e shqiptarëve, nuk mund të fshiheni”, tha Shehaj.
Debatet në sallën e Kuvendit u ndezën kur kryetarja Elisa Spiropali tha se Balluku ndodhet jashtë vendit, por kjo e fundit u shfaq në Kuvend.
Në përgjigje të akuzave Balluku tha se ka ardhur 2 herë për interpelancë me Shehajn, por ka qenë ky i fundit që i është shmangur duke mos u paraqitur.
“Agron Shehaj ka munguar dy herë në seancë kur unë kam qenë këtu pasi nuk kalonte dot derën e parlamentit, si duket ai nuk e ka guximin të futet në interpelancë. Ka marrë dy herë raport mjekësor se nuk futej dot brenda kësaj salle nga frika juaj, unë kam qenë e ulur në këtë tryezë, populizmit të Shehajt nuk ka nevojë t’i jepni flatra dhe të bëni gjithë këtë zhurmë. Interpelancën me zotin Shehaj e kam për kënaqësi se më jepet mundësia që populizmin e tij ta bëj leckë se nuk ka as argumente asgjë tjetër. Unë kam qenë për interpelancë më 3 tetor kur ju protestonit dhe ai kishte frikës tuaj. Unë nuk do ta bëj dot burrë zotin Shehaj, nuk i jap dot zemër”, tha Balluku.
LEXONI GJITHASHTU:
- Balluku: 11 milionë vizitorë në Shqipëri, 10 milionë kanë hyrë nga Rinasi
- Dhuna me bazë gjinore në hapësirën digjitale, Balluku: Gratë e Parlamentit gjykohen
