Shehi: Klosi maja e ajsbergut, pjesë e zinxhirit korruptiv në derën e ish-ministrit

Kreu i LZHK-së Dashamir Shehi tha se është ulëritëse ngjarja e fundit që ndodhi në Tiranë, ku Rozeta Dobi së bashku me djalin e saj vodhën në shtëpinë e zyrtares Alda Klosi 120 mijë euro.

Në një intervistë për Euronews Albania ai theksoi se kjo është maja e ajsbergut dhe sipas tij SPAK duhet të merret seriozisht me këtë punë.

Sipas Shehit nuk mundet që një nëpunëse e thjeshtë që mund të marrë një milion lekë në muaj të mbledh një pasuri të tillë, referuar parave në shtëpi dhe pasuritë e paluajtshme që zotëronte Klosi.

“Ngjarja e vjedhjes në Tiranë është ulëritëse .SPAK duhet të merret seriozisht me këtë punë. Kjo që duket është maja e ajsbergut. Ça është kjo zonja që ka mbledhur kaq shumë pasuri, një nëpunëse e vogël, një shefe kabineti që i merr ose jo 1,2 milion, ka grumbulluar kaq shumë. Ajo është pjesë e një zinxhiri korruptiv që fillon poshtë asaj vazhdon me këtë, është në derën e ministrit dhe ministri është në derën e kryeministrit.

Është një thërrime që i mbetet shërbyesve të vegjël të regjimit. SPAK është një produkt i politik shqiptar, por kam një shpresë që ajo pak që mund të ketë arritur SPAK, i shtyrë nga presioni i ndërkombëtarëve, i mbrojtur edhe nga ndërkombëtarët, mund të sjellë ndonjë rezultat. Do i presim se çfarë do bëjnë. Është rritur shumë dhe në mënyrë të padrejtë pritshmëria nga SPAK”- tha ai.

LEXONI GJITHASHTU: 

• Bashkimi PD-PL, Shehi: LSI bën zig-zage, s’krijon sistem afatgjatë besimi
• U tërhoq PD-ja për Avokatin e Popullit? Braho: Për çfarë bëj përgjegjës Alibeajn
• Tritan Shehu: Kam firmosur që Ervin Salianji të jetë kreu i grupit të PD-së