Shehu: Në SHBA flitet veç për skandalet e Ramës, gabim që shkoi në OKB

Deputeti i PD-së Tritan Shehu është shprehur se kreu i qeverisë Edi Rama që drejtoi ditën e sotme Këshillin e Sigurimit, ishte në vendin e gabuar.

I ftuar në emisionin “Now” në Euronews Albania, theksoi se prania e Ramës në Këshillin e Sigurimit zbehu rolin e Shqipërisë pasi në SHBA flitet për çështjen McGonigal, ku dyshohet se është i përfshirë dhe kreu i qeverisë së vendin tonë.

“Sot ishte një ngjarje që ishte në vazhdën e zhvillimeve të një vendimi të kahershëm. Pyetja e dytë është se a i realizuam ne pritshmëritë. Shqipëria nuk arriti të shfrytëzojë dhe qenien në Kryesinë e OSBE-së. Sot ishte Rama që drejtonte Këshillin e Sigurimit që u tentua të përdorej si një kapital personal. Në Këshillin e Sigurimit nuk kanë vend batutat. Rama sot ishte në vendin e gabuar sot. Është në një moment ku në SHBA flitet për skandalin Mc Gonigal. Rama ishte si person në vendin e Këshillit të Sigurimit, në këtë mënyrë zbehu dhe rolin e Shqipërisë”-tha ai.

LEXONI GJITHASHTU: 

• Ferit Hoxha: Ia dolëm! Prania e Shqipërisë në OKB, kulminante për diplomacinë tonë
• Paskal Milo: Rama i shtoi pikë Shqipërisë ndërkombëtarisht