“Shkollat të rrethuara nga pallatet”, Qiraxhi: Duhet ngritur droni t’i gjesh

Migen Qiraxhi aktivist i Qëndresës Qytetare tha në emisionin Now në Euronews Albania se hapësira e dedikuar shkollave në kryeqytet është minimale dhe e pamjaftueshme.

Sipas tij, kjo tregon vizionin që kemi ndërtuar për arsimin, duke lënë infrastrukturën e 60 viteve të shkuara.

“Sistemi jonë arsimor ka për infrastrukturë atë të 60 viteve të kaluara. Te shkolla ‘Kosova’ nuk ka asnjë centimetër të gjelbër, bashkitë nuk kanë kryer asnjë shpronësim për interes publik, shkolla “Partizani” është e mbështjellë me pallate, kjo tregon vizionin për arsimin. Të gjithë kemi dalë jashtë dhe nëpër qytete ndërtesat e shkollave janë më ikoniket. Në kryeqytet duhet të ngresh dronin që të kuptosh ku është një shkollë, ka edhe shkolla ku të duhet guidë, të “Konferenca  e Pezës është e pamundur pa pyetur disa vetë si mund të shkosh. Ky është vizioni si e kemi ndërtuar arsimin, kemi ndërtuar pallate, nuk kemi investuar për arsimin dhe e kemi lënë me infrastrukturën e  60 viteve të shkuara”, tha Qiraxhi.

LEXONI GJITHASHTU:

• Shkollat në Shkodër gati për sezonin e ri mësimor, 8 mln € investime në total
• Gjimnastika, sporti që do të aplikohet së shpejti në të gjitha shkollat e vendit