Shkrimtari serb në Balkan Talks: Ja cila është frika më e madhe e Vuçiç

Shkrimtari dhe dramaturgu serb Nenad Prokiç tha në emisionin Balkan Talks në Euronews Albania se presidenti i Serbisë Aleksandër Vuçiç ka më shumë frikë prej mbështetësve e tij sesa nga liberalët.

Prokiç u shpreh se problemi është brenda partisë së tij, ku njerëzit janë të pakënaqur pasi shohin se nga pushteti po përfitojnë vetëm disa njerëz.

“Atëherë, nacionalistët në Serbi, edhe Vuçiçi ishte njeri prej tyre, gjatë viteve kryesore të nacionalizmit në Serbi. Tani ai ka më shumë frikë prej mbështetësve të tij sesa nga ne liberalët. Mendoj se nacionalistët e djathtë në Serbi me ndihmën e Rusisë, po është pak e rrezikshme, por mendoj se janë shumë të dobët dhe nuk munden që t’i krijojnë shqetësim Vuçiçit. Problemi është brenda partisë së tyre, mendoj unë, partisë së krahut të djathtë sepse partia e tij është e madhe, 700 mijë njerëz, asnjëri s’është kurrë i kënaqur. Shohin se njerëzit nga lart kanë disa privilegje, por shumica e njerëzve nuk kanë asnjë privilegj dhe e presin. Partitë politike po shpërbëhen nga përbrenda. Nuk po shpërbëhen nga pushteti i jashtëm. Pushteti i brendshëm është më i rrezikshmi dhe mendoj se ai ka frikë nga partia e vet sesa nga gjithçka tjetër”, tha Prokiç.