Si do vijojë dialogu? Wisner: I takon Serbisë të respektojë Kosovën

Ish-përfaqësuesi special i SHBA-së për bisedimet Kosovë-Serbi, Frank Wisner tha në një intervistë për Euronews Albania se Serbia duhet të respektojë Kosovën gjatë procesit të dialogut.

Sipas tij, dialogu nuk duhet fajësuar për situatën mes Kosovës dhe Serbisë pasi bëhet fjalë thjesht për një format negociatash.

“Ajo për të cilën po flasim është vullneti politik i dy qeverive për t’u marrë seriozisht dhe sinqerisht me këtë dialog dhe për të bërë konsensuset e duhura. Në vend që të themi që po dështon dialogu le të rikthehemi se çfarë ndodhi në Ohër. Marrëveshja e Ohrit është duke theksuar një zgjidhje të mundshme e cila është vendosur dhe dakordësuar dhe tanimë i takon të dy palëve, sidomos Serbisë për ta zbatuar atë marrëveshje se kjo do të thotë se duhet të vijojë diplomacia nga ana e BE-së dhe nga ana e SHBA-së në mënyrë që të koordinohet kjo punë,” – u shpreh Wisner.

LEXONI GJITHASHTU:

• Publikohet video e vrasjes së policit Afrim Bunjaku në Kosovë
• “Serbia e Kosova po humbasin kohë”, Feith: Situata më e vështire se 10 vite më parë