Si rrezikon të përhapet lufta në Izrael? Eksperti zbulon planin

Eksperti Dritan Goxhaj ishte këtë të martë në një intervistë për Euronews Albania ku ka folur për luftën mes Izraelit dhe Hamasit. Sipas ekspertit Goxhaj, Hamasi deri më tani ka vrarë më shumë ushtarë  dhe policë se sa ka humbur Izraeli nga viti 1967.

Ai tha gjithashtu se pritet që në datë15 nëntor e cila përkon me ditën e pavarësisë së Palestinës, Hezbollahu të shpalli luftën, pasi më herët ka thënë se do të ndodhin ndryshime të mëdha.

“Hamasi prej datës 7 ka vrarë deri më tani më shumë ushtarë  dhe policë se sa ka humbur Izraeli nga viti 1967 e deri më tani.  Tashmë në Gaza, Izraeli po humbet ushtarak, pa dyshim edhe Hamasi ka humbur pjesëtarë të tyre, po pjesa më e madhe nuk janë civilë. Thuhet se janë vrarë mijëra ushtarak të hamasit, por është një logjikë e thjeshtë, llogaritet që numri i Hamasit të jetë midis 25 mijë dhe 35 mijë forca të trajnuara dhe të angazhuara nga Hamasi.

Nëse do kishim mijëra, atëherë do të kishim përparim të forcave izraelite në këto territore që ka hyrë. Përparimi prej datës 22 ka ngecur, kjo do të thotë që ka të vrarë, por jo me mijëra. Hyrja me trupa në Gaza është përcaktuar si vijë e kuqe edhe nga Hezbollahu, i cili ka thënë se në rast se do futen me trupa, ne do të hyjmë.

Në datë 7 kur Hamasi ka bërë sulmin, Hezbollahu ka lëshuar një lloj reklame të vetën, ku ai jep afat 40 ditë, brenda 40 ditëve thotë ai do të ndodhin ndryshime të mëdha. Po ta llogarisësh i bie data 15 nëntor, datë e cila përkon me pavarësinë e Palestinën. Kështu që Hezbollahu mund të deklarojë futjen në luftë”,-tha Dritan Goxhaj.

LEXONI GJITHASHTU:

• Pa energji elektrike, qytetarët e Gazës gjejnë mënyrën për të karakiuar celularët
• Franca arreston oligarkun rus, dyshohet se shkeli sanksionet ndërkombëtare