“S’ishte faji i opozitës”, Debat mes Xhafajt dhe Tedi Blushit për kaosin në Kuvend

Seanca plenare e kësaj të enjteje u shoqërua nga kaosi, ku deputetët e popozitës kërkuan që prezent të ishte kryeministri Rama.

Deputeti i Partisë Socialiste, Etjen Xhafaj tha në një intervistë për Euronews Albania se kërkesa për të pasur Ramën me urgjencë ishte një pretekst.

“Ndërkohë që ka një rregullore të parlamentit shqiptar e cila është e përcaktuar edhe në bazë të Kushtetutës, është votuar nga të gjitha palët, se si është procedura e thirrjes së interpelancave qoftë për çështje prej vërteti, qoftë për teori konspiracioni,” – u shpreh Xhafaj.

Sekretari i Përgjithshëm i Partisë së Lirisë, Tedi Blushi nuk ra dakord me argumentin e tij duke sjellë në vëmendje se seanca e të enjtes ishte e shëmtuar, por jo për faj të opozitës.

“Mazhoranca më kot përpiqet t’i bllokojë fjalën opozitës për një çështje e cila sigurisht është skandal jo vetëm i përmasave lokale, këtu në Shqipëri, por sigurisht është një çështje e cila ka shokuar dhe mbarë opinionin botëror dhe këtu e kam fjalën për çështjen McGonigal,” – u shpreh Blushi.

LEXONI GJITHASHTU:

• “McGonigal”, Kuvendi pranon kërkesën e grupit të Alibeajt për interpelancë me Ramën
• Vendimi i Kuvendit për kërkesën e GJK për çështjen e Xhaçkës? Përgjigjet Balla