Skafi godet për vdekje fëmijën 5 vjeç në plazhin e Potamit

Një fëmijë vetëm 5 vjeç ka ndërruar jetë sot në plazhin e Potamit, në Himarë pasi u përplas nga një skaf në breg të detit.

Policia tha se ngjarja ndodhi rreth orës 14:00 kur shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.

Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij”, sqaron policia.

Kjo është hera e tretë brenda kësaj vere që shënohen incidente me mjetet lundruese në plazhet e vendit.

Në korrik një çift u goditën nga një gomone në plazhin e Jalës, teksa mjeti lundrues tentoi të dilte në breg.  Për pasojë çifti i pushuesve  Agostin Sefa, 31 vjeç dhe E. GJ., 25 vjeçe, morën lëndime.

2 ditë më vonë një gomone goditi një fëmijë 7-vjeçar. I mituri mori plagë të rënda dhe u transportua  në spital për ndihmë mjekësore.

LEXONI GJITHASHTU:

• VIDEO| Skafi del jashtë kontrollit në Jalë, përfundon në breg, disa të lënduar
• ‘Arrest shtëpie’ për drejtuesin e gomones që përfundoi në bregun e Jalit