“Onkologjiku”, Gjykata lë në fuqi masat e sigurisë, mjeku: Bëj vetëm punën time

Gjykata ka lënë në fuqi 7 masat e sigurisë lidhur me skandalin e mjekëve në spitalin onkologjik, të cilët nuk u ofronin shërbim pacientëve me tumor, por i orientonin në klinikën private të mjekut Edmond Gashi.

Ky i fundit nuk pranoi të fliste për mediat kur hyri në gjykatë por tha se ka bërë vetëm punën e tij, ndërsa pas seancës gjyqësore është larguar me vrap nga dalja e pasme e gjykatës.

1. Edmond Gashi-Mjek në Spitalit Onkologjik ne QSUNT-arrest shtepie
2. Emiljano Lela-Koordinator–detyrim paraqitje
3. Alketa Ymeri-Mjeke-detyrim paraqitje
4. Brikena Qirjazi -Zv/Drejtoreshe ne QSUNT-e ngarkuar me detyra për shërbimin onkologjik-detyrim paraqitje
5. Halil Gashi –arrest shtepie
6. Florian Marku-arrest shtepie
7. Drilona Kishta nuk u ekzekutua dot masa pasi eshte jasht shtetit, eshte njoftuar ne kufi.

Një hetim i prokurorisë së Tiranës ka arritur të zbulojë një skeme se si mjekë të spitalit të Onkologjikut shisnin ilaçe të spitalit tek subjektet private.

Këta shtetas kanë qenë të punësuar në spitalin shtetëror “Nënë Tereza” si mjekë onkologë dhe duke përdorur detyrën e vet nuk jepnin shërbimin e duhur në spitalin shtetëror por i orientonin pacientët në spitale private për të marrë shërbimin që kërkohej nga ana e atyre. Gjithashtu në spitalin “Nënë Tereza” ka qenë i vendosur dhe burimi i kobaltit që shërbente për radioterapinë por nuk vendosej në punë dhe ishte jashtë kushteve të përdorshmërisë duke u kthyer në një burim rreziku për pacientët. Gjatë hetimit është bërë e mundur që ky burim të zhvendosej dhe të vendosej në dhomën adapte.

LEXONI GJITHASHTU:

• Skandali te Onkologjiku, qytetarët protestojnë para Ministrisë së Shëndetësisë
• Onkologjiku, abuzim, Koçiu: Abuzuesit dhe joprofesionistët do ndëshkohen