“Skeletet i fusin në qese të zeza, t’i hanë minjtë”, Tare: Ku kemi antropologë ne?

Historiani Auron Tare i ftuar në “Now me Erla Mëhillin” tha se Shqipëria nuk ka antropologë pasi edhe një që ka qenë e hoqën nga instituti.

Ai madje shtoi se në Isntitutin e Albanologjisë, ku futet edhe antropologjia nuk ka ende një protokoll për mënyrën se si trajtohen mbetjet humane. Sipas tij skeletet e zbuluara futen në qese dhe hidhen në bodrum pa kurrfarë kujdesi.

“Kush është antropolog në Shqipëri? Se unë kam 20 vite që po kërkojë dhe s’po gjej. Unë kam një përvojë personale për këtë gjë. Në vitin 2002 unë kam bërë një leksion për Butrintin në universitetin e Sirakuzës. Më erdhën dhe më thanë disa profesorë amerikanë, në leksion pamë që ju keni nxjerrë edhe skelete, çfarë bëni me këto skelete. Unë si i ri  nuk e dija. Erdha në Shqipëri dhe i pyeta se ç’bënin me skeletet.

I merrnin i fusnin në qese të zeza dhe i hidhnin në depo. Amerikanët më sollën një rregullore se si merreshin me mbetjet humane, se këta janë njerëz, por ne ende sot  nuk e kemi  një protokoll të tillë. Këta janë njerëz, por i marrin i fusin në qese të zezë dhe i hellin në bodrum t’i hanë minjtë. Dhe shqipëria nuk ka antropolog, vetëm një ka qenë dhe atë e hoqën nga instituti”,-tha Auron Tare.

Kujtojmë se qeveria shqiptare ka vendosur të shkrijë Akademinë e Studimeve Albanalogjike.

LEXONI GJITHASHTU:

• Qeveria shkrin Akademinë e Studimeve Albanologjike, Kushi: Është e paakredituar
• Neritan Ceka: Kurti duhet të dalë në zgjedhje të parakohshme, por me një kusht…