Suksesi i radhës për Piastrin: Australiani triumfon në garën e Majemit

McLaren ka bërë një nisje spektakolare në botërorin e Formula 1, ndërsa nga gara në garë po konfirmon se është një kandidaturë e fortë për titull. Në Majemi ishin sërish dyshja Piastri-Norris të cilët zhvilluan një garë të jashtëzakonshme, duke grumbulluar të tjera pikë për skuadrën e tyre. Gara ishte emocionuese nga fillimi në fund, por me një dominim të McLaren, i cili fiton garën e 5-të në 6 të zhvilluara deri më tani, ku 4 prej tyre mbajnë emrin e australianit.

Ferrari mund të konsiderohet sërish një dështim edhe në SHBA, por Max Verstappen i Red Bull mungon në podium. Holandezi u rendit në vendin e katërt, menjëherë pas Russell, megjithse prej kohësh ka treguar luhatje në formën e tij.

Albon i gjashti dhe Antonelli i shtati, teksa Leclerc e Hamilton në vendin e 8 dhe të 9, shumë larg pritshmërive. Sezoni ka vetëm 6 javë që ka nisur, por duket se trofeu mund të shkojë te McLaren, pas kësaj nisje spektakolare me Piastrin që ka 131 pikë dhe Norris 115. Red Bull duket se është larg sezonit të shkuar, e me gjasa Verstappen do të zbresë nga froni, në rast se performance e tij nuk ndryshon.

LEXONI GJITHASHTU:

• Champions League, PSG dominon dhe fiton ndeshjen e parë ndaj Arsenalit në Londër
• Interi sfidon Barcelonën, katalanasit favoritë për kalimin në finalen e Champions