Komandanti i kontigjentit të FSK-së në Kosovë, Egzon Syla tha se ekipet kosovare kanë nxjerrë të gjallë dy persona që ndodheshin nën rrënoja në Hatay të Turqisë.

Në emisionin “Good Morning Albanians” në Euronews Albania, Syla deklaroi se një vajzë 2-vjeçare u nxorr me shenja jete dhe në momentin që ka parë ekipin e shpëtimit dhe familjarët e saj, ka filluar të buzëqeshë.

Fatmirësisht, ekipi kosovar arriti të shpëtojë edhe nënën e saj.

“Me profesionalizëm, ekipet tona të kërkim shpëtimit kanë arritur që të hapin një korridor dhe pas 10 orëve arritën të nxjerrin vajzën e gjallë e më pas edhe nënën. Një ditë më pas morëm informacion se të dyja ishin mirë në spital. Vajza ka qenë 2-vjeçare.

Pas gjithë atyre orëve nën rrënoja, e kemi mbështjellë me uniformën dhe filloi të qeshë. Është lumturuar. Ka qenë dita e tretë e tërmetit”, theksoi ai.

LEXONI GJITHASHTU

• Komandanti i ushtrisë së Kosovës: Nxorrëm dy persona të gjallë nga godina 7-katëshe
• Një javë nga tërmetet, vazhdon nxjerrja e të mbijetuarve nga rrënojat e godinave
• Tërmeti në Turqi, punonjësi i shpëtimit: njerëzit mund të vdesin nga infeksioni