Tabaku-kreut të ERE: Shfuqizoni vendimin për rritjen e çmimit të energjisë

Deputetja e Partisë Demokratike, Jorida Tabaku i ka dërguar mbrëmjen e djeshme, një shkresë përmes postës elektronike drejtorit të bordit të ERE, Petrit Ahmeti, ku i kërkon rishikimin e vendimit të një jave më parë për rritjen e energjisë që kishte propozuar qeveria.

Në shkresë u evidentuan arsyet e rritjes së çmimit të energjisë dhe njëkohësisht u kërkua që në bazë të fakteve të reja të bëhej mbledhja urgjente e bordit të ERE për të mos lejuar rritjen e çmimit të energjisë për 100 mijë familje.

Sipas Tabakut, rritja e çmimit të energjisë për familjet shqiptare ishte i pabazuar dhe i motivuar politikisht dhe vendimi që u morr nga qeveria dhe ERE ishte abuziv.

Tabaku kërkon mbledhjen urgjente të ERE dhe një vendim të qartë për të rrëzuar vendimin që i njëjti bord mori një javë më parë.

Kryeministri, Edi Rama bëri me dije ditën e djeshme, se fasha 800 KW nuk do të hyjë në fuqi në tetor për konsumatorët familjarët.

Ai deklaroi se kërkesa për energji nga Koorporata Elektroenergjitike Shqiptare (KESH), është më e ulët sot sesa në 1 shtator, kur u lançua fasha mbi 800kw.

Kreu i qeverisë theksoi se rritja e nivelit të baseneve në hidrocentrale, por edhe fillimi i qasjes pozitive të abonentëve familjarë për të kursyer energjinë, ndikuan në këtë vendim të qeverisë për heqjen e fashës.

Pas kësaj deklarate, reagoi Enti Rregullator i Energjisë Elektrike, ERE përmes një njoftimi, në të cilin thuhej se çmimet e reja për energjinë do të aplikohen për periudhën 1 tetor deri më 31 dhjetor 2022.

LEXONI GJITHASHTU

• ERE kundër qeverisë: Nga nesër çmimet e reja për fashën mbi 800 kwh
• Rama tregon arsyet pse qeveria u tërhoq nga rritja e çmimit të energjisë
• Rama: Në tetor s’do hyjë në fuqi fasha 800 KW për konsumatorët familjarë