“Rrugët e Shkodrës n’Karnaval” nisin sot me paradën e fëmijëve. Më pas të gjitha shkollat do të mblidhen në një vend të përbashkët ku njëra pas tjetrës do të ngjisin në skenë edhe shfaqjet e tyre, duke çelur kështu siparin e festimeve.

Dita e dytë e “Karnavaleve të Shkodrës” do t’u dedikohet të rinjve. Parashikohet që çdo gjimnaz të ngjitet ne skenë me një shfaqje, në bazë të minutazhit të caktuar nga grupi organizativ dhe sigurisht, në fund të shfaqjeve, njëra më e bukur se tjetra, do të shpallet një fitues. Parada e çifteve me kostume e maska veneciane do të pasohet nga një lightshow dhe një koncert surprizë.

Gazetari i Euronews Albania Teodor Gjerga zbuloi në emisionin GoodMorning Albanians në Euronws Albania detaje nga festa në kryeqendrën e Veriut që pritet të zgjasë 3 ditë dhe finalizohet ditën e diel me djegien e dordolecit që simbolizon djegien e së keqes.

Në sheshin para bashkisë së Shkodër, që sivjet ka organizuar një aktivitet shumë të madh krahasuar me vitet e tjera, ka nisur grumbullimi i nxënësve të shkollave të qytetit të cilët do të ngjisin në skenë shfaqjet e tyre.

LEXONI GJITHASHTU:

• “Dordolecët” e Vuçiç dhe Putin digjen në karnavalet e Kroacisë
• “Rrugët e Shkodrës n’Karnaval”: Tri ditë festë, si dikur dhe kurrë më parë!