Të shtëna me armë zjarri janë raportuar pasditen e kësaj të mërkure në fshatin Sulaj të Fierit.
- Advertisement -
Ngjarja ka ndodhur rreth orës 14:00 në afërsi të mbikalimit të Dërmënasit. Sipas burimeve zyrtare nga policia, dy persona dyshohet se i kanë zënë pritë shtetases Suzana Mërnica, e cila po udhëtonte me motor së bashku me djalin e saj. Ata kanë dalë përpara mjetit dhe kanë qëlluar në drejtim të saj me armë zjarri.
E plagosura, me profesion fermere, është transportuar me urgjencë në spital dhe ndodhet jashtë rrezikut për jetën.
Policia ka identifikuar autorët, babë e bir, dhe po punon për kapjen e tyre.
LEXONI GJITHASHTU:
- U zunë për vendparkimin, policia identifikon autorin e plagosjes me armë në Kamëz
- Plagosje me thikë në Tiranë, shpallet në kërkim autori