U zunë për vendparkimin, policia identifikon autorin e plagosjes me armë në Kamëz

Policia ka identifikuar dhe ka shpallur në kërkim autorin e dyshuar të plagosjes me armë zjarri të 29-vjeçarit me inicialet M. Xh.

Ngjarja ndodhi të premten në Kamëz, rreth orës 14:00. Dyshohet se shkak i sherrit mes të rinjve është bërë konflikti për një vendparkimi.

Blutë e Tiranës informojnë se në kërkim është shpallur 23 vjeçari Emanuel Buci.

Policia po vijon kontrollet në zonë për kapjen e tij dhe për zbardhjen e plotë të ngjarjes. Ndërkohë, materialet hetimore i janë referuar Prokurorisë së Tiranës për veprime të mëtejshme ligjore.

“Falë veprimeve të shpejta profesionale dhe hetimore, Policia identifikon dhe shpall në kërkim autorin e dyshuar të plagosjes me armë zjarri, të 29-vjeçarit, ngjarje e ndodhur ditën e djeshme në Kamëz.

Menjëherë pas njoftimit të marrë rreth orës 13:55, ditën e djeshme, në Kamëz, se një shtetas ishte plagosur me armë zjarri shërbimet e Policisë, kanë shkuar menjeherë në vendngjarje.

Si rezultat e një pune të mirëorganizuar, të kryer nga Sektori për Hetimin e Krimeve të Rënda në bashkëpunim me Komisariatin Nr. 5, nën drejtimin e Prokurorisë, u bë i mundur identifikimi i autorit të dyshuar shtetasit E. B., 23 vjeç, i cili dyshohet se për motive të dobëta, ka plagosur me armë zjarri, shtetasin M. Xh., 29 vjeç.

Shërbimet e Policisë vijojnë ende kontrollet në të gjithë zonën me qëllim lokalizimin, kapjen dhe vënia në pranga të autorit dhe dokumentimin e plotë ligjor të ngjarjes”, njofton policia.

LEXONI GJITHASHTU:

• Goditën me sende të forta 38-vjeçarin në Kamëz, Prokuroria liron të dyshuarit
• “U gjet një gëzhojë”- Policia detaje nga përplasja në Kamëz: U konfliktuan 2 shoferë