Tërhoqi kafshën me makinë, e ‘pëson’ drejtuesi 58-vjeçar në Tiranë

Policia e Tiranës ka reaguar në lidhje me një video të postuar në rrjete sociale, në të cilën shfaqet një shtetas duke tërhequr një kafshë, me automjetin e tij.

Policia bën me dije se pas publikimit të pamjeve filmike, ka nisur verifikimi për identifikimin e drejtuesit të automjetit.

Pas identifikimit të drejtuesit, policia ka zbuluar se 58-vjeçari po e drejtonte mjetin pa leje drejtimi dhe kishte mangësi të dokumentacionit të mjetit.

Ndaj tij nisi një procedim penal dhe materialet u referuan në prokurori për veprime të mëtejshme.

“Nga verifikimet ka rezultuar se drejtuesi i automjetit, shtetasi Xh. M., 58 vjeç, e drejtonte automjetin pa leje drejtimi dhe kishte mangësi në dokumentacionin e nevojshëm për qarkullim.

Në përfundim të veprimeve për këtë rast u referuan materialet në Prokurori dhe nisi procedimi penal për shtetasin Xh. M. Gjithashtu, ndaj këtij shtetasi u vendos masë administrative në bazë të Kodit Rrugor, për mangësitë në dokumentacionin e automjetit”, thuhet në njoftimin e policisë.

LEXO GJITHASHTU:

• “Nuk do të kthehem kurrë këtu”- Dyshimet mbi anglezin dhe roli në vrasjen e Nikulaj
• VIDEO| Momenti kur vrasësi i Ardian Nikulaj largohet me “Defender” me targa angleze
• “Skuterin e futi në ‘Defender’ në Kukël”- Çfarë kapën kamerat nga largimi i vrasësit