Teuta luan ndeshjen e parë në shtëpi, tekniku Dobi premton fitoren

Pas një barazimi me shumë meritë në transfertë ndaj Partizanit dhe shkëputjes dyjavore për shkak të angazhimeve të kombëtares, Teuta është gati për sfidën e radhës në kampionat, ndërsa të dielën pret Vorën. Një sfidë që luhet në stadiumin “Niko Dovana” dhe që është mjaft e rëndësishme për ecurinë e durrsakëve, të cilët këtë vit janë transformuar plotësisht.

“Synimi mbeten 3 pikët, por futbolli ka tre rezultate, duam apo jo. Jemi të karikuar, por këto dy javë kanë ndikimin e vet. Shpresoj dhe do të bëjmë gjithçka që ekipi të jetë në nivelin e duhur”, – u shpreh Enkeleid Dobi, trajner i Teutës.

Shqetësimi i vetëm për trajnerin Dobi është Jazxhi, i cili u dëmtua në duelin ndaj Partizanit.

“Shqetësime ka gjithmonë, janë në dispozitat e ditës. Një është dëmtimi i Jazxhit, pjesa tjetër është gati. Djemtë janë të motivuar, mezi e presin takimin, madje edhe sportdashësit”, – shtoi Dobi.

Teuta ka luajtur vetëm një ndeshje në Superligë këtë sezon, për shkak se përballja e parë ndaj Dinamos u shty, pasi “Nëndetësja” kishte angazhime në Conference League.

LEXONI GJITHASHTU:

• Teuta mund Tiranën dhe siguron mbijetesën, bardheblutë drejt Kategorisë së Parë
• Vllaznia në krye të klasifikimit, Dinamo ndalet nga Teuta në “Niko Dovana”