Teuta mund Tiranën dhe siguron mbijetesën, bardheblutë drejt Kategorisë së Parë

Tirana është me një këmbë në Kategorinë e Parë të futbollit shqiptar, pasi u mposht me rezultatin 1-0 nga Teuta në duelin direkt për mbijetesë.

Me vetëm një javë të mbetur nga përfundimi i sezonit, bardheblutë ndodhen në një situatë shumë të vështirë, ndërsa java e fundit do të përcaktojë fatin përfundimtar të skuadrave.

Pavarësisht se gjithçka mbetet ende e hapur, Tirana e sheh veten realisht të rrezikuar. Teuta, me fitoren e fundit, ka siguruar qëndrimin në elitë, ndërsa në zonën e ftohtë janë përfshirë edhe Laçi, Skënderbeu dhe Bylisi, që së bashku me bardheblutë do të luftojnë për mbijetesë në javën e fundit.

Të shtunën u luajtën të pesë ndeshjet e javës, ku fitore regjistruan Teuta, Bylisi dhe Laçi. Sa i përket kreut të tabelës, nuk pati shumë lëvizje: Egnatia barazoi pa gola me Skënderbeun, Vllaznia ndau nga një pikë me Elbasanin (1-1), ndërsa Dinamo u mposht në transfertë nga Laçi me rezultatin 1-0, duke regjistruar humbjen e tretë në pesë ndeshjet e fundit.

Partizani u mposht nga Bylisi dhe ka rënë në vendin e pestë, i parakaluar nga Elbasani. Të dyja skuadrat do të përballen direkt mes tyre në javën e fundit, që pritet të jetë vendimtare për shumë ekipe.

Duelet e javës së fundit:

Teuta–Egnatia, Vllaznia–Laçi, Dinamo–Tirana, Partizani–Elbasani dhe Skënderbeu–Bylis.

LEXONI GJITHASHTU:

• Barcelona fiton sërish, 13 pikë në 4 javë. Flick: Ky është mentaliteti që dua
• Tirana shkatërron Partizanin në derbi, 3 pikë shprese për bardheblutë