Trafikonin automjete të vjedhura nga Italia në Shqipëri, dy persona në kërkim

Policia e Tiranës këtë të enjte ka shpallur në kërkim dy shtetas pasi dyshohet se trafikonin nga Italia në Shqipëri, automjete luksoze të vjedhura.

Në kuadër të operacionit të koduar “Stolen Line”, është shpallur në kërkim shtetasi G. G, 34 vjeç, i dyshuar për trafikimin e automjetit tip “Lynk&Co”, si dhe për falsifikimin e dokumentacionit me qëllim shitjen dhe targimin e tij në Shqipëri.

Gjithashtu ëahtë shpallur në kërkim shtetasi S. S., 40 vjeç, i dyshuar për trafikimin e automjetit tip “Benz GLC”, si dhe për falsifikimin e dokumentacionit dhe ndryshimin e numrit të shasisë së këtij automjeti.

Ndërkohë, në cilësinë e provës materiale janë sekuestruar 2 automjete, “Benz GLC” dhe “Lynk&Co”prodhime të viteve të fundit, me vlerë rreth 110 000 euro.

Në bashkëpunim me Prokurorinë, vijon puna për të zbardhur raste të tjera të trafikimit të mjeteve, që mund të kenë kryer këta shtetas.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Operacioni i RENEA-s në Orosh, Gjykata lë në qeli Erzen Ukën dhe Julian Cumrakun
• Vodhi në një tabakino dhe në dy makina, arrestohet 22-vjeçari në Durrës (EMRI)