“Trajner më fal, më merr në Gjermani”-Gazetarja: Broja dukej sikur i lutej Sylvinhos

Gazetarja Esmeralda Mulaj është shprehur se futbollisti Armando Broja dukej se ishte gati duke iu lutur trajnerit Sylvinho që ta merrte në Gjermani me Kombëtaren.

Komentet Mulaj i bëri në “Now me Erla Mëhillin” në Euronews Albania, ku tha se konfliktet e Brojës me Sylvinhon kanë filluar shumë më parë, që me ndeshjen me Çekinë.

Ajo shtoi se askush nuk mund t’ja heqë meritat Brojës si lojtar, por sipas saj, ai duhet të jetë më shumë bashkëpunues me ekipin.

“Broja mu duk në një përmbledhje të shkurtër “trajner më fal, më merr me skuadrën në Gjermani”. Po sepse nëse nuk do ishte asgjë, do kishte reaguar shumë kohë më parë, sepse përplasja ka ndodhur shumë kohë më parë, që me Çekinë, që nuk e ndoqi as nga Tribuna ndeshjen.

Pas kualifikimit të Shqipërisë, edhe unë do të doja të isha aty pjesë e Kombëtares. Askush nuk ia heq meritat Brojës, por ndonjëherë duhet të jesh edhe bashkëpunues. Ai e kuptoi se me Silvonjon mund të rrijë edhe jashtë Europianit”, është shprehur Mulaj.

LEXONI GJITHASHTU:

• Shqipëria feston kualifikimin në Evropian, vjen reagimi i parë i Armando Brojës
• Shqipëria zyrtarisht në Euro 2024, Meta: Kualifikim historik, na bën krenarë