Kur u hap për herë të parë në 1977, Qendra Pompidou shkaktoi valë tronditëse në shoqërinë pariziane. Qendra kulturore vigane, me pamjen e saj të jashtme industriale dhe gypat e ekspozuar me ngjyra të ndezura, binte në sy në skajet e lagjes historike Marais të kryeqytetit francez.

Tani, ndërsa po bën gati 50 vite nga ndërtimi, Pompidou po përgatitet të mbyllet për pesë vjet në mënyrë që të hyjë në fazën më të fundit të atij evolucioni. Nisma, e cila mbështetet nga Ministria e Kulturës e Francës, synon të mbrojë në të ardhmen ndërtesën.

Mbyllja vjen në një kohë kur bota e artit të Parisit është tashmë e trazuar. Vetëm muajin e kaluar, presidenti Emmanuel Macron njoftoi një rinovim të Luvrit, pasi drejtoresha paralajmëroi për degradimin e muzeut historik, për të cilin ajo tha se po kërcënon përmbajtjen e tij përfshirë ‘Mona Lizën’.

Mund të mos ketë një Da Vinci, por arti në Pompidou nuk është më pak mbresëlënës, me koleksionin e tij të përhershëm prej 140,000 pjesësh që shfaqin njerëz si Picasso, Matisse dhe Chagall. Rreth 3.2 milionë njerëz e vizitojnë çdo vit për ekspozita, filma dhe shfaqje.E konsideruar si kulmi i modernitetit kur u hap në 1977, qendra tani përballet me disa çështje teknike, siç i përshkruan menaxhmenti, të cilat e kanë bërë të ngadaltë për t’u përshtatur me shekullin e 21-të.

Çështja kryesore është asbesti, një material toksik dikur i përdorur gjerësisht për izolim zjarri, i cili është i pranishëm në të gjithë strukturën dhe duhet hequr.

I vendosur në mbi 10 nivele të gjera, Pompidou kërkon sasi të mëdha energjie për ta ngrohur atë në dimër dhe për ta ftohur në verë. Rritja e masave të sigurisë së qendrës është gjithashtu jetike, në një kohë kur terrorizmi mbetet një kërcënim i vazhdueshëm. E gjithë kjo është pjesë e rinovimit teknik,  parashikohet të kushtojë 260 milionë euro para publike.

Do të ketë ndryshime në shkallë të gjerë në pjesën e brendshme dhe të jashtme, duke përfshirë sheshin e gjerë. Muzeu, galeritë e tij, kinemaja, zonat e performancës dhe hapësirat e shitjes me pakicë janë gati të përfitojnë nga ndryshimi.

LEXONI GJITHASHTU:

• Ekspozohet në Francë piktura e pa përfunduar e Da Vinçit
• Liderët e G7 diskutojnë për kulturën| Në fokus IA, Ukraina dhe liria e shprehjes