Tritan Shehu i përgjigjet paralajmërimeve të Ballës për përjashtime

Deputeti i Partisë Demokratike, Tritan Shehu iu përgjigj nga një intervistë për Euronews Albania paralajmërimeve të kreut të grupit parlamentar të Partisë Socialiste, Taulant Ballës për përjashtime nga Kuvendi.

Ky i fundit në një deklaratë për mediat është shprehur këtë të hënë se kushdo që përpiqet të pengojë punimet në foltoren e Kuvendit do të përjashtohet sipas përcaktimeve të rregullores.

“Ata në njërën anë nuk të japin fjalën, në anën tjetër kryeministri nuk vjen në parlament as të flasë dhe as të shpjegojë e të dëgjojë deputetët, nuk futen në rend të ditës kërkesat e opozitës, kërkesat e opozitës janë të detyrueshme për t’u futur dhe pastaj kur deputetët e opozitës kërkojnë fjalën dhe e kërkojnë me insistim padyshim, kërkojnë t’i përjashtojnë. Pra, kjo është diktatura parlamentare,” – u shpreh Shehu.

LEXONI GJITHASHTU:

• Balla: Do përjashtohet çdo deputet që bllokon foltoren e Kuvendit
• Tritan Shehu: Kam firmosur që Ervin Salianji të jetë kreu i grupit të PD-së