Tritoli në makinën e Ndrecës. Zbulohen detaje nga ekspertiza shoqërohen disa persona

Gazetari Teodor Gjergo tha për Euronews Albania se në makinën e Bernard Ndrecës, kreu të Rithemelimit në Vaun e Dejës, sipas ekspertizës së kryer, ishin vendosur  rreth 50  gramë lëndë plasëse tritol.

Sipas gazetarit deri më tani janë shoqëruar në komsariatin e Vaut të Dejës 7 persona të cilët janë marrë në cilësinë e dëshmitarit dhe janë lënë të lirë pas deklarimeve të tyre.

“Nga ekspertiza dyshohet të kenë qenë rreth 50 gramë tritol të vendosur në pjesën e përparme të makinës së Bernard Ndreca dhe dyshohet që shpërthimi të ketë qenë i telekomanduar.

Në fakt ka pasur edhe persona të shoqëruar në komisariatin e Vaut të Dejës janë 7 persona të cilët janë marrë në cilësinë e dëshmitari sa i takon ngjarjes së  djeshme, por pas marrjes së deklaratave të tyre, këta shtetas janë lënë të lirë. Deri më tani nuk ka asnjë të dyshuar si autor i kësaj ngjarje”,-tha gazetari Teodor Gjergo.

LEXONI GJITHASHTU:

• “Tritoli në makinën e Ndrecës”, Ndoka: Goditje politike, duan të frikësojnë opozitën
• U vu në shënjestër të atentatit me tritol, kush është Bernard Ndreca