“Kosova nuk është çliruar më 12 qershor”, ish luftëtari i UÇK: Ja data historike…

Ish-luftëtari i Ushtrisë çlirimtare të Kosovës, Dritan Goxhaj tha në “Now me Erla Mëhillin” në Euronews Albania se është turp që të njihet si datë e çlirimit të Kosovës 12 qershori.

Sipas tij çlirimi ka ndodhur më datë 10 pasi në atë datë Serbia ka nënshkruar kapitullimin.

Gjithashtu Goxhaj tha se data 10 përkon me 1 vjetorin e krijimit të shtabit të përgjithshëm të Ushtrisë Çlirimtare, por edhe më datën kur është mbajtur lidhja e Prizrenit, ndaj ai shton se është e pafalshme që të njihet si datë e çlirimit data kur në Kosovë janë futur trupat e huaj, ku të parët kanë qenë trupa e ushtrisë ruse.

“Çlirimi ka ndodhur në datë 10 qershor, më 12 qershor për mua është turp që parlamenti i Kosovës dhe qeveria e Kosovës festojnë të gjithë datën 12 qershor e cila është data e trupave ruse në Kosovë. Në 12 qershor janë futur trupat e parë ruse në Kosovë.

Duhet të festohet data 10 qershor. Kjo është data kur marrëveshja e Kumanovës ka hyrë në fuqi, data kur komando ushtarake e KFOR dha urdhër për ndërprerjen e i operacioneve luftarake, është data kur  shtabi i përgjithshëm i ushtrisë çlirimtare të Kosovës dha urdhër për ndërprerjen e operacioneve luftarake dhe në 10 qershor forcat serbe nënshkruan kapitullimin e tyre. Normalisht data e kapitullimit është data e çlirimit.

Gjithashtu data 10 qershor është një datë historike pasi në datë 10 qershor të 98 është themeluar shtabi i përgjithshëm i UÇK. Kjo datë përkon edhe me 10 qershorin e 1878 të Lidhjes së Prizrenit. Pra është një datë historike e cila është e turpshme të anashkalohet në këtë mënyrë”,-tha Dritan Goxhaj.

LEXONI GJITHASHTU:

• FSK paradë për 25-vjetorin e Çlirimit, prezantohen armatimet e reja
• Masakra e përdhunime, aktivistja nga Kosova: Ka dëshmi rëqethëse të barbarisë serbe
• Peka sjell kujtimet e tmerrshme nga lufta e Kosovës: Isha dëshmitar kur…