‘U dorëzua, i dhashë ultimatum’, Berisha për deklaratën e Ramës për fashën 800kw

Kryetari i Partisë Demokratike, Sali Berisha, deklaroi se kryeministri Edi Rama u tërhoq nga vendimi për rritjen e çmimit të energjisë mbi fashën 800kw, pasi i dha ultimatim se nëse do e bëntë atë, do përballej me revoltë popullore.

Në një deklaratë për mediat nga selia blu, Berisha tha se Rama i tërheq vendimet e tij vetëm nëpërmjet presioneve.

“U dorëzua. Para jush i kam dhënë një ultimatum në mënyrë të përsëritur: ‘Po rrite çmimin e energjisë, do presësh atë që meriton’. Por sidoqoftë, vendimi i tij për t’u tërhequr tregon që vetëm presioni funksionon me këtë njeri. Bëri sikur guxoi, por u tërhoq, u palos”, theksoi kryedemokrati.

Kryeministri Edi Rama deklaroi se kërkesa për energji nga Koorporata Elektroenergjitike Shqiptare (KESH) është më e ulët sot sesa në 1 shtator, kur u lançua fasha mbi 800kw.

Gjatë një komunikimi në rrjetet sociale, Rama u shpreh se rritja e nivelit të baseneve në hidrocentrale, por edhe fillimi i qasjes pozitive të abonentëve familjarë për të kursyer energjinë, ndikuan në këtë vendim të qeverisë për heqjen e fashës.

LEXONI GJITHASHTU

• Berisha: PD nuk do të njohë aneskimin e territoreve ukrainase nga Rusia
• Rama tregon arsyet pse qeveria u tërhoq nga rritja e çmimit të energjisë
• Rama: Në tetor s’do hyjë në fuqi fasha 800 KW për konsumatorët familjarë