“Vdekja e punëtorit në vendin e punës”, Avokati: Në Shqipëri manipulohen provat

Avokati Ylli Kameri tha për “Good Morning Albanians” se nëse në Europë kur ndodhin ngjarje të rënda si humbja e një personi në vendin e punës, reagimi është i menjëhershëm për të gjetur përgjegjësin, në Shqipëri shpesh ndodh e kundërta.

Avokati tha se këtu shpesh ka manipulim të provave dhe shtyrje të proceseve gjyqësore, madje ai thotë se gjërat shpesh arrijnë në pikën, ku faji I lihet më të pambrojturve, pra viktimave.

“Në të gjithë Europën, ku tregu është i formalizuar, një shoqëri ku humb jetën një punonjës falimenton. Këtu te ne ka masa, manipulime provash, shtyrje të proceseve gjyqësore, një proces gjyqësor zgjat dhjetë vite.

E ndoshta koha për të verifikuar përgjegjësinë e personit që duhet ta kishte parandaluar aksidentin në punë është shumë e gjatë dhe ndoshta falimentimi shtyhet dhe faji I kalon personit më të pambrojtur”,-tha për Euronews Albania,  Ylli Kameri.

LEXONI GJITHASHTU:

• Shqiptari që vrau vajzën dhe dhëndrin në Australi kërkon ulje dënimi
• 32 njerëz humbën jetën në punë në 2022, kush rrezikon më shumë?