VIDEO/ Pamjet e reja të ekzekutimit të Gilmando Danit, 3 vrasës qëllojnë me breshëri

Këto janë pamjet e reja të ekzekutimit të krahut të djathtë të Emiljano Shullazit, 47-vjeçarit Gilmando Dani, pasditen e së martës në Rinas

Në këtë atentat mafioz mbeti i plagosur rëndë efektiv i Agjencisë së Mbikëqyrjes Policore, Muçi Shaljani, alias Sheqeri.

Në pamjet e siguruara nga Euronews Albania, shihet momenti kur autorët me një mjet tip Toyota i kanë bërë pritë në rrethrrotullimin e aeroportit të Rinasit Gilmando Danit dhe Muçi Shaljanit, të cilët udhëtonin me Benz-in e bardhë.

Killerat kanë zbritur nga makina e tyre dhe kanë hapur zjarr drejt benzit ku ndodheshin Dani dhe Shaljani.

Po ashtu, nga pamjet shihet se mjeti i viktimave ka dalë në korsinë tjetër, ndërsa autorët, të maskuar dhe me veshje që duken si jelekë antipulumb, me maska dhe kapele, i janë afruar dhe kanë qëlluar sërish, duke i dhënë goditjen finale nga afër. Një prej qitësve ka përdorur dy armë.

LEXONI GJITHASHTU:

• VIDEO/ Dalin pamjet e ekzekutimit të Gilmando Danit në Rinas
• EMRAT/ Ndalohen dy policë, punësimi i Muçi Shaljanit në AMP në kundërshtim me ligjin