English

Vidhte banesat duke përdorur çelsa të klonuar, arrestohet 34-vjeçari në Tiranë

KOMENTE

SHPERNDAJE
ARTIKULLIN

Text sizeAa Aa

Policia e Tiranës ka arrestuar një 34-vjeçar i cili vidhte banesa me dyer të blinduara në kryeqytet, duke përdorur çelsa të klonuar. Në kërkim është shpallur bashkëpunëtori i tij, ndërkohë që janë sekuestruar 2 aparate celularë si dhe çelësat të cilët përdornin autorët e dyshuar për të depërtuar në banesat e qytetarëve.

- Advertisement -

Nga veprimet hetimore janë dokumentuar 9 raste të vjedhjeve të apartamenteve të kryer nga këta persona në zona të ndryshme të Tiranës.

Konkretisht:

– Më datë 04.03.2022, kanë vjedhur në banesën e shtetasit B. M.;

– Më datë 20.03.2022, kanë vjedhur në banesën e shtetasit L. C.;

– Më datë 15.07.2022, kanë vjedhur në banesën e shtetasit A. K.;

– Më datë 06.08.2022, kanë vjedhur në banesën e shtetasit A. D.;

– Më datë 03.10.2022, kanë vjedhur në banesën e shtetasit A. Z.;

– Më datë 05.11.2022, kanë vjedhur nl banesën e shtetasit A. B.;

– Më datë 10.11.2022, kanë vjedhur në banesën e shtetasit A. N.;

– Më datë 23.11.2022, kanë vjedhur nl banesën e shtetasit B. M.;

– Më datë 30.12.2022, kanë vjedhur në banesën e shtetasit E. Gj.

Policia bën me dije gjithashtu se po vijon puna për kapjen e bashkëpunëtorit të tij, si dhe për dokumentimin e rasteve të tjera të vjedhjeve të kryera prej tyre.

Shërbimet e Komisariatit të Policisë Nr. 2 dhe të Komisariatit të Policisë Nr. 3, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore disamujore, organizuan dhe finalizuan me sukses operacionin policor të koduar “Klonimi”. 

Në kuadër të këtij operacioni u bë arrestimi në flagrancë i shtetasit:

V. K., 34 vjeç, banues në Durrës, i dënuar më parë për të njëjtën veprimtari kriminale.

Gjithashtu, u shpall në kërkim bashkëpunëtori i tij, shtetasi A. Q., 39 vjeç, banues në Tiranë.

Shtetasi V. K., më datë 30.12.2022, është kapur në flagrancë, nga shërbimet e Policisë, gjatë kohës që po tentonte të vidhte në një apartament, në rrugën “Sami Frashëri”.

Në cilësinë e provës materiale janë sekuestruar 2 aparate celulare dhe çelësa që autorët i përdornin gjatë kryerjes së vjedhjeve.     

Vijon puna për kapjen e bashkëpunëtorit të shpallur në kërkim, identifikimin e personave të tjerë të përfshirë në këtë veprimtari kriminale, si dhe dokumentimin e rasteve të tjera të vjedhjes që mund të jenë kryer nga këta shtetas. 

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale”, thuhet në njoftimin e policisë.

LEXONI GJITHASHTU

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×