Ulur këmbëkryq, mbahet “Kuvendi i burrave” në Theth: Kullat i kemi mbrojtur me gjak

Aksioni për prishjen e ndërtimeve pa leje në Theth ka hyrë në ditën e 7, ku Fadromat e IKMT-së, të mbështetura nga forcat e rendit, vazhdojnë shembjen e objekteve. Deri tani, janë prishur rreth 70 objekte pa leje, dhe aksioni do të vazhdojë edhe në ditët në vijim.

Situata në terren mbetet e qetë për momentin, por tensionet janë të pranishme. Para Kishës së Thethit, që është një simbol i zonës, u mblodh Kuvendi i Burrave, takim i cili pati si fokus diskutimin mbi aksionin dhe pasojat e tij për banorët e zonës.

Banorët e Thethit janë të shqetësuar për të ardhmen e bujtinave të tyre, dhe kërkojnë një zgjidhje nga qeveria për të ndaluar aksionin dhe për të krijuar mundësi për legalizimin e ndërtimit të bujtinave, si pjesë e paketës për zhvillimin e turizmit malor. Ata kërkojnë më shumë informacion dhe mundësi për të marrë pjesë në këtë iniciativë.

Prifti i Thethit ka bërë një thirrje për dialog mes autoriteteve dhe banorëve, duke theksuar rëndësinë e ruajtjes së harmonisë dhe bashkëpunimit për një zgjidhje të qëndrueshme.

Po ashtu, Arqipeshkvia Metropolitane e Shkodrës ka dalë në mbështetje të banorëve të zonës, duke u angazhuar për mbrojtjen e mjedisit dhe të drejtat e tyre në këtë proces. Reagimi i kishës ka theksuar rëndësinë e ruajtjes së natyrës dhe të traditave të Thethit.

Tensionet vazhdojnë të jenë prezente, pasi ndodhin edhe përplasje herë pas here mes banorëve dhe forcave të rendit.

Banorët kuvendojnë në Theth: Negociata ose luftë! pic.twitter.com/rHgVVSsIfZ

— Euronews Albania (@EuronewsAlbania) July 13, 2025

LEXONI GJITHASHTU:

• Vladaj: Diaspora, Dukagjini, Kukësi e Malësia e Madhe do vijnë në ndihmë të Thethit
• Lëkundje tërmeti në Vlorë, sa ishte magnituda
• Situata e zjarreve: 18 vatra në 24 orë, 2 ende aktive dhe 2 të tjera nën monitorim