Vllaznia e bindur për finale, Brdaric: Të kualifikohemi në kohën e rregullt

Të mërkurën luhen ndeshjet e kthimit gjysmëfinale të Kupës së Shqipërisë, ku Dinamo përballet me Vllazninë në Elbasan, ndërsa Partizani udhëton drejt Rrogozhinës ku e pret Egnatia.

4 skuadrat të cilat janë thuajse edhe finalist në fazës final 4, përballen me njëra-tjetrën në një tjetër kompeticion siç është kupa.

Shkodranët e udhëhequr nga Thomas Brdari e cilësojnë kupën, si kurorëzimin e punës gjithë sezonale.

“Është koha të marrim atë për të cilën punojmë që nga fillimi i sezonit, të marrim një produkt që vjen pas ecurisë së mirë. Përballemi me Dinamon me motivim të plotë. Ndeshja e parë u mbyll 0-0 në shtëpi, në Elbasan duhet të jemi sa më të fokusuar si në sulm ashtu dhe mbrojtje”, tha Thomas Brdaric, Trajner i Vllaznisë.

Vllaznia i ka marrë të gjithë masat edhe sikur asgjë të mos mbyllet për 90 minuta.

“Ne po punojmë fort, të sigurojmë kualifikimin në kohën e rregullt. Nëse shkojmë më tepër kemi forcë, jemi të përgatitur në aspekt fizik e psikologjik. E dimë se si duhet të luajmë, lojtarët i kujtoj të jenë të disiplinuar, por mbi të gjitha me dëshirë për këtë ndeshje vërtet special”, shtoi Brdari.

Për kapitenin Balaj, kjo ndeshje i ka të treja rezultatet.

“Sigurisht, në këtë pikë ku jemi mbetet një ndeshje në kampionat, por para saj kemi një duel të rëndësishëm me Dinamon, që do na siguronte finalen. Pas 0-0 në Shkodër, kjo do luhet si finale, i ka 3 rezultate. Kemi gjendje të mirë psikologjike, luftojmë për vendin e dytë në final 4, jemi gati të japim më të mirën”, tha Bekim Balaj, Futbollist i Vllaznisë.

Paralelisht do të luhet dhe në Rrogozhinë, aty ku Egnatia do të provojë të përmbysë disavantazhin prej 1 goli të ndeshjes së parë me Partizanin, ndërsa sfida Vllaznia-Dinamo u mbyll në barazim pa gola.

LEXONI GJITHASHTU:

• Brdaric ëndërron finalen e Kupës së Shqipërisë, Vllaznia e plotë përballë Dinamos
• “Te Vllaznia po jetoj një ëndërr”, talenti Kevin Dodaj: Dua të ndjek hapat e Balajt