Vllaznia shkarkon trajnerin, gati zëvëndësuesi i tij

Pas një pune të jashtëzakonshme, me synim fitimin e titullit kampion, por edhe kupën, Qatip Osmani nuk është më trajner i Vllaznisë. Tekniku i cili erdhi nga Maqedonia e Veriut pas diskutimit me drejtuesit e skuadrës ka vendosur të ndëprersë bashkëpunimin, ndërsa nuk dihen shkaqet. Skuadra synonte t’i fitonte të dy trofetë, por eliminimi nga Egnatia në kupë ka bërë që të krisen marrëdhëniet mes palëve, gjë që kë cuar deri në shkarkim.

54-vjeçari mori drejtimin e skuadrës shkodrane më 31 tetor të vitit të kaluar, ku që prej atij momenti numëron 13 fitore në kupë e kampionat, 6 humbje dhe 8 barazime, teksa e dërgoi skuadrën deri në zonën e final 4, madje një pretendente kryesore për fitimin e titullit kampion.

Sipas informacioneve, synimi i radhës është kthimi në stol i gjermanit Thomas Brdariç, i cili i ka drejtuar më herët shkodranët në sezonin 2020-2022. Kujtojmë se në kampionatin shqiptar mbeten dhe 4 javë deri në përfundim, ku shkodranët do të tentojnë të fitojnë titullin, teksa kundërshtarët e radhës janë Egnatia, Dinamo, Tirana dhe Skënderbeu.

LEXONI GJITHASHTU:

• 3 afrime tek Vllaznia e femrave, skuadra prezanton blerjet e reja
• VIDEO/ Grushte e shkelma, pamjet nga sherri në futbollin e femrave Tirana-Vllaznia