Zbardhet propozimi i KQZ për regjistrimin dhe votimin e shqiptarëve jashtë vendit

Ditën e sotme në Kuvendin e Shqipërisë janë prezantuar nga Komisioni Qëndror i Zgjedhjeve, ku të pranishëm ishin edhe anëtarë të Grupit të Dialogut, propozimet e kryekomisionerit Ilirjan Celibashi për regjistrimin e votuesve jashtë vendit dhe procesin e votimit nga vendet ku jetojnë e punojnë.

Celibashi ka propozuar që mënyra e votimit të jetë elektronike dhe me postë. Po ashtu është propozuar që periudha e votimit nga jashtë vendit do të duhet të zgjasë disa ditë para datës së zgjedhjeve ‘brenda vendit’.

Votuesi do të ketë mundësinë të votojë disa herë deri në afatin e mbylljes së votimit. Vetëm vota më e fundit në kohë do të numërohet.

Kjo mënyrë votimi është aplikuar në disa vende si: Estoni, Gjermani, Kanada, Australi (Neë South Ëales), Francë, etj.

Burime për gazetarin e Euronews Albania, Ardit Hoxha, nga mbledhja e grupit të dialogut, bëjnë me dije se këto propozime nga KQZ janë mirëpritur nga deputetet e të dyja palëve.

Sistemi do të garantojë që vota e votuesit të numërohet vetëm një herë, edhe nëse votuesi mund ta ketë dërguar votën disa herë me postë ose edhe elektronikisht.

Sistemi do të garantojë pamundësinë për të lidhur momentin e kohës të votave të ardhura me postë  ose elektronikisht me sistemin e numërimit të votave duke hequr çdo timestamp për të eliminuar kështu çdo lidhje me votuesin.

Sistemi do të garantojë sekretin e votës ndaj përdoruesve të sistemit, administratorëve të sistemit  dhe audituesve potencial.

LEXONI GJITHASHTU:

• Ish-kryetarja e KQZ-së në Kosovë: Vota e emigrantëve ndikoi në zgjedhjet e vendit
• Vota e emigrantëve/ Diaspora për Shqipërinë e Lirë dorëzon draftin në Kuvend