Gazetarja Aida Topalli, në një intervistë për emisionin ‘Good Morning Albanians’ në Euronews Albania, foli në lidhje me vjedhjet që po bëhen në vendin tonë.

Ajo tregoi rastin e një 14-vjeçari që i kishte vjedhur xhaxhait shumën e parave prej 20 mijë eurosh.

Mes të tjerash gazetarja tregoi se babai i ktheu vëllait të tij vetëm pjesën e mbetur të parave që i kishte marrë i biri.

“Vetëm këtë vit policia e shtetit ka zbardhur 176 vjedhje me 213 autorë të arrestuar që janë shumë. Ky sezon veror ka qenë një nga sezonet më me fluks vjedhjesh. U arrestua grupi i Sarandës, i Shkodrës, i Kavajës dhe që kanë bërë vjedhje të vazhdueshme.

Një rast është një i mitur që ka vjedh paratë e xhaxhit të tij. Problemi më i madh ishte që kur u mor vesh se kush i kishte vjedhur paratë, babai duhet t’i kthente. Ishte një shumë goxha e lartë, mbi 20 mijë euro. E çuditshme është se shumë para i kishte prishur. Bëhet  fjalë për një 14-vjeçar”-tha ajo.

LEXONI GJITHASHTU: 

• Temperatura të ulëta dhe vranësira, parashikimi i motit për këtë javë
• Bido sqaron pse Greqia e ka të pamundur të vendosë veto: Autogol, nuk ka aleatë