2 shtatori shpallet ditë zie, flamujt ulen në gjysmështizë në nderim të Anagnostit

Në respekt dhe nderim të figurës së një prej ikonave më të shquara të kinematografisë shqiptare, Dhimitër Anagnosti, Këshilli i Ministrave ka vendosur shpalljen e ditës së martë, datë 2 shtator 2025, si ditë zie kombëtare.

Vendimi u bë i ditur nga Agjencia për Media dhe Informim, e cila konfirmon se gjatë kësaj dite, në të gjithë vendin, flamujt do të ulen në gjysmështizë, ndërsa institucionet shtetërore do të organizojnë homazhe për të nderuar kontributin e vyer të Anagnostit në artin dhe kulturën shqiptare.

Dhimitër Anagnosti, mjeshtër i ekranit dhe i artit skenik, ka lënë pas një trashëgimi të pasur artistike, duke u bërë një nga figurat më të respektuara të kulturës kombëtare.

LEXONI GJITHASHTU:

• Sot i jepet lamtumira e fundit Dhimitër Anagnostit, homazhet mbahen në TOKB
• Pengu i patreguar i Dhimitër Anagnostit, Mevlan Shanaj: Vitet e fundit kishte