23 deputetët e PD ende të përjashtuar, Bardhi: Do jemi ne seancë

As seanca plenare e 30 tetorit me gjasë nuk do të  zhvillohet në kushte normale.

Kjo pasi 23 deputetë të Partisë Demorkatike janë njoftuar nga administrata e kuvendit se nuk do të jenë të pranishëm në seancën e së hënës.

Këta të fundit, me në krye Sali Berishën, u përjashtuan nga sekretariati i etikës për 10 ditë, pas tensioneve të krijuara në parlament më 19 tetor dhe bllokimit të foltores.

Por masa disiplinore sipas tyre ka përfunduar këtë të diel, dhe Kreu i grupit parlamentar të Partisë Demorkatike Gazment Bardhi, njoftoi deputetët se asnjëri prej tyre nuk do të mungojë në punimet e kuvendit.

Ata do të mblidhen 30 minuta para nisjes së seancës për tu drejtuar më pas më parlament.

Për këtë arsye, seanca e së hënës e parashikuar të nisë në orën 17.00, pritet të zhvillohet mes tensioneve  nga ana e opozitës, të cilët e kanë konsideruar një vendim të padrejtë dhe në shkelje të rregullores.

Kjo është seanca e parë që do të mbahet pas masave kufizuese që SPAK komunikoi për ish-kryenimsitrin dhe deputetin Sali Berisha, i cili ka kërkuar që drejtësia t’i drejtohet fillimisht parlamentit për heqjen e imunitetit të tij.

LEXONI GJITHASHTU:

• “SPAK t’i drejtohej Kuvendit”/ Murrizi: Masë poshtëruese, Berisha s’iku as në 97-n
• Imuniteti i Berishës/ Bylykbashi: Goditja në themel e procesit, u anashkalua Kuvendi