5 motrat që vdiqën në luftë, djepi i tyre si simbolikë në ekspozitën në Kosovë

Pesë motrat nga Haça e Vogël, Adelina, Njomëza, Shkurtesa, Lazija dhe Elhamja, bashkë me prindërit dhe kushërinjtë ishin detyruar të nisen për në Shqipëri.

Rrugës ata ndaluar në fshatin Nagavac dhe u detyruan  të futen në oborrin e shkollës.

Kur ra terri pesë motrat me familjen u strehua në bodrumin e një shtëpie të zbrazët aty afër.

Datën e 2 prilli t 1999 fshati Nagavac u bombardua. Nga shpërthimi  i fuqishëm, një pjesaë e shtëpisë u shemb, duke lënë të vdekura 5 motrat. Aty humbën jetën gjithsej 14 persona, 12 prej të cilëve ishin fëmijë.

Familja ruan djepin e Adelinës në të cilën janë përkundur dhe 4 motrat e saj .

Ndërkohë Drejtori ekzekutiv i Fondit për të Drejtën Humanitare, Bekim Blakaj tha në një intervistë për  “Good Morning Albanians” në Euronews Albania  se ka qenë e vështirë që familja të sillte djepin në ekspozitën “Na ishte njëherë që kurrë mos qoftë” që i  dedikohet i fëmijëve të cilët janë vrarë apo zhdukur pas luftës në Kosovë në periudhën 1998-2000.

“Ka qenë e vështirë që familja të sillte djepin në ekspozitë. Djepi është blerë ku r ka lindur Adelina dhe më pas janë përkundur dhe vajzat e tjera. Ne e kemi marrë djepin sepse ka një simbolikë të  veçantë”

Ekspozita “Na ishte njëherë që kurrë mos qoftë” i dedikohet fëmijëve të cilët janë vrarë apo zhdukur gjatë dhe menjëherë pas luftës në Kosovë në periudhën 1998-2000.

Janë 1133 fëmije të cilët kanë humbur jetën si pasoje e luftës se Kosovës. Ekspozita përmban shume elemente ndër të cilët janë: muri i emrave të fëmijëve, muri i portreteve ku janë të vendosura rreth 500.

LEXONI GJITHASHTU: 

• Fëmijët e dhunshëm i shfaqin sinjalet që në vegjëli, psikologia rendit tiparet
• Protestë dhe Kuvend, çfarë pritet të ndodhë gjatë seancës së sotme plenare