“90% e rasteve e marrin Hepatitin B te dentisti”-mjekja Demiraj

Më shumë se 3,500 njerëz vdesin nga viruset e hepatitit çdo ditë dhe numri global po rritet, paralajmëroi se fundmi Organizata Botërore e Shëndetësisë, duke bërë thirrje për veprim të shpejtë për të luftuar vrasësin e dytë më të madh infektiv.

Të dhënat e reja nga 187 vende treguan se numri i vdekjeve nga hepatiti viral u rrit në 1.3 milion në 2022 nga 1.1 milion në 2019.

Vigjilenca Demiraj, gastrohepatologe e ftuar në emisionin “Good Morning Albania” në Euronews Albania, ajo theksoi se hepatiti B në 90% të rasteve merret tek dentistët.

Ajo theksoi se hepatiti mund të qëndroj në trup dhe për shumë vite me radhë.

“Furça e dhëmbëve. Nëse gabimisht përdor furçën e dhëmbëve të një personi që është infektuar dhe ti nuk e di. Në këtë mënyrë  mund ta marrësh hepatitin. Vathët   nuk duhet të ndërrohen sepse dhe po t’i dezefektosh, nuk dezefektohen. Prandaj është problem te dentistët. 200 e ca të sëmurë që trajtohen tek unë 90% e kanë marrë nga dentisti. Gjej dhe kohën kur e ka marrë.  Një rast  më erdhi dje, ku gjeta se para 10 vitesh ai kishte bërë një ndërhyrje në dhëmballë”-tha ajo.

LEXONI GJITHASHTU: 

•  Kremlini paralajmëron më të keqen pas përkeqësimit të vërshimeve në Rusi
• Presidenti Bajram Begaj uron besimtarët me rastin e Fitër Bajramit